WWW.MALTESEWELFARE.COM 

Lejla oħra ta’ tagħrif – Kif inħarsu lejn ix-Xjuħija

Il-Maltese Welfare (NSW) Inc kellhom attività oħra, meta fis-sala tal-Knisja ta’ Greystanes NSW organizzaw laqgħa ta’ informazzjoni dwar ix-xjuħija.  Suġġett li ġibed madwar 60 persuna li flimkien mal-kelliema, il-psikoloġista Carmen Xuereb eżaminaw diversi aspetti fid-dettal.  Ms Xuereb bdiet billi eżaminat xi mard li l-iktar jeffettwa x-xjuħija u mbagħad qalbet għas-suġġett, kif għandna nġibu ruħna max-xjuħ jew aħjar kif nistgħu nippreparaw aħjar biex naċċettaw il-proċess tax-xjuħija, li ma jista’ jżommu ħadd.

Wara li kien hemm interval qasir, kompliet sessjoni ta’ mistoqsijiet u dawk preżenti daħlu sewwa fis-suġġett u staqsew ħafna mistoqsijiet relevanti kif ukoll kien hemm oħrajn li għamlu diversi suġġeriment.

 

Din is-sessjoni kienet imqanqla ħafna u ġiet imexxija tajjeb minn Maria DeCarlo li fetħet il-laqgħa billi tat merħba liż-żewg sponsors tal-Maltese Welfare li kienu preżenti, Marie-Louise Muscat mill-Fiducian Financial Services u Charles Said Vassallo mill-maltageneology.com.   Hija wkoll introduċiet lill-kelliema prinċipali u kienet ħadmet bħala għalliema f’Għawdex qabel ġiet l-Awstralja 20 sena ilu, fejn kompliet l-istudji tagħha sakemm iggradwat bħala clinical psychologist.

 

Sar appell biex jiġi organizzat grupp ta’ Maltin li jridu jkomplu dawn it-taħditiet simili.  Dawk li huma interessati għandhom jikkuntatjaw lill-organizzaturi kemm jista’ jkun malajr.

Il-President tal-Maltese Welfare, Lawrence Dimech qal li dawn il-laqgħat ta’ informazzjoni saru popolari ħafna għax is-suġġetti dejjem ikunu dwar il-ħtiġijiet li jolqtu direttament lill-komunità fil-ħajja tagħna ta’ kuljum.  Qal li l-Maltese Welfare se jkomplu b’dawn il-laqgħat is-sena li ġejja,  iżda l-attività li jmiss se tkun il-Quiet Achievers Night of Recognition.  Dawk li jixtiequ jinnominaw xi persuna li jixriqilha għarfien  iridu jikkuntattjaw il-Maltese Welfare Tel: 96319295  ħalli nibgħatulhom il-formoli meħtieġa.

 

Saret ukoll minuta silenzju għall-mikbi Charles F. Micallef li miet f’Westmead Hospital fil-4 ta’ Novembru 2005.  Charles kien ilu membru tal-Maltese Welfare mill-bidu nett, jiġifieri mill-1977.  Ix-xogħol tiegħu infirex ma’ ħafna naħat tal-komunità Maltija.  Kien bniedem umli li fil-qasam tal-volontarjat ħadem b’dedikazzjoni, determinazzjoni u entużjażżmu u qatt ma fittex glorja. 

Dawk li kien hemm preżenti iffirmaw card li ġiet ippreżentata lill-martu Mary.  Il-funeral ta’ Charles sar fil-knisja ta’ OLQP fi Greystanes b’quddiesa funebri konċelebrata minn Fr B. Sant u sħabu saċerdoti ta’ MSSP flimkien mal-kappillani ta’ Greystanes u Toongabbie.  RIP 1935-2005.

 

F’din l-attività saret preżentazzjoni minn Sam E Vella għan-nom tal-Maltese Community Council of NSW lil Augustine Borg tax-xogħol li jagħmel bħala kelliemi waqt laqgħat tal-gruppi anzjani Maltin organizzati mill-MCC.

 

Dawn il-laqgħat tal-Maltese Welfare huma sponsorjati minn Fiducian Financial Services Tel 1300 882 213 u www.maltagenealogy.com 

---

 

 

Previous Seminars:

 

* 15th June 2005 (Part B of the Financial Seminar)

* 15th May 2005 (Part A of the Financial Seminar)

* Jintalab iktar taghrif dwar   il-ligijiet Maltin u Awstraljani

*‘Intergenerational conflict resolution’

*   Some earlier works and seminars

 

Main Page

 

Web Master